Fitness Culture: SM Calamba and UP Los Banos

Sa gabi ng aming field trip, inobserbahan namin ang isang community aerobics sa loob mismo ng SM Calamba at kinabukasan naman ng umaga, papanoorin namin ang aerobics sa UP Los Banos at mismong ang aming propesor ay isa sa mga nagtuturo.  

              

Sa aerobics na nangyari sa SM Calamba, ang mga kasapi ay puro babae na nasa mga edad 17-70 at may isang bading. Base sa kanilang mga kasuotan, sila ay mga nasa gitnang antas ng lipunan. Lahat sila ay nakasuot ng sports attire, naka-rubber shoes, jogging pants o leggings at t-shirt pero may nakita rin akong mga naka-flats lamang. At ayon sa nakita ko, ang aerobics class na ito ay sa pamamagitan ng kasapian. Ngunit may ilan ilan akong nakikitang mga taong dumadaan ang tumitigil at nakangiting pinagmamasdan ang pagsasayaw, mayroon ilang mga matandang babae ang tumigil at nakisali. Kadalasan ang mga tumitigil at nagmamasid ay babae, pero may ilan ding mga lalake ang tumitigil para manood.

Habang sila ay nag-aerobics, napansin ko na sa simula ay masaya pa sila na sinusundan ang isang babaeng tagapagturo ngunit pagdating sa kalagitnaan, mapapansin mo na yung iba ay hindi na nakakasabay. Ang iba ay pagod na kaagad, lalo na yung mga mas nakakatandang babae tapos yung iba naman hindi naman nila sinusunod yung mga tinuturo o kumbaga hindi naman nila ginagalaw yung katawan nila. Isa lang yung kanta at paulit-ulit lang itong tumutugtog, ang musika ay parang techno, yung tipong pang-aerobics talaga. Kalimitan ng mga rutinaryo ay pang-ehersisisyo talaga na nagiging pasayaw lang.

Ang aerobics na ito ay dapat magsisimula ng 6:30 ng gabi ngunit 7 na ito nagsimula. Sa kabilang banda naman, ang aerobics sa UP Los Banos naman ay nagsisimula sa umaga, mga 5:30. Ang aerobics dito ay hindi ayon sa kasapian, kahit sino ay malugod na tatanggapin.

Ang mga taong nakikilahok ay mga middle-class na mga tao. Malawak ang saklaw ng edad dahil mula bata hanggang matanda ay nakita kong lumahok. Mas marami rin ang babae kaysa lalake pero marami din ang bilang ng mga lalake hindi katulad ng aerobics sa mall, halos lahat babae, at may isa lang lalake ngunit siya ay bading.

Ang mga taong dumadaan at nanonood ay nakakaramdam ng urge na sumali sa aerobics. Kami nga mismo ng aming mga kaklase ay nakilahok at nakisayaw. 4 ang tagapagturo at kabilang sa kanila ang aming propesor. Ang mga tugtog ay kalimitan mga usong kanta at ang mga rutinaryo ay parang mga sayaw kaysa sa aerobics sa mall. Nag-iiba iba ang tugtog, ganon na din ang tagapagturo at medyo nakakapagod talaga ang aerobics dito sa LB, hindi katulad ng sa mall. At napansin ko din na mas nakakasabay ang mga tao sa aerobics dito sa LB kaysa sa mall kahit na mas maraming tao ang nakikilahok sa LB.

Sa kabuuan, medyo nagulat at natuwa ako dahil napagtanto ko na kahti papano ang mga Pilipino ay may malasakit pa rin sa pangangatawan. Hindi ko kasi maalis sa isip ko na may pagka-tamad ang mga Pilipino pero may iilan rin palang nangangalaga sa kalusugan. Natutuwa rin ako na matiyaga silang gumigising sa umaga o nageehersisyo pa sa gabi para lang maging malusog at masigla. Medyo maraming pagkakaiba sa pagitan ng  aerobics sa SM at LB. Nagkakaiba sa bilang at klase ng mga taong lumalahok at sa istilo din ng pagehersisiyo, tagapagturo at ang mga tugtog pero sa huli, iisa lamang ang nais nitong dalawa at yun ay ang mapanatiling malusog ang katawan. 

SM Aerobics:

Kasali din sila pero sila ay nagtanghal sa isang event sa SM

Practice!

Practice X2

Aerobics inside the mall

Girl Power!

Go Girls!

UPLB Aerobics:

Aerobics in LB, bigger. 

They were men too.

See people on the second floor?

My classmates participating!

Professor as one of the instructors