Halos bawat probinsya sa Pilipinas ay may iba’t ibang festivals o pagdiriwang na ipinagmamalaki ng bawat bayan. Ang mga pagdiriwang ay mistulang identidad ng mga bayan hinugot mula sa kultura o tradisyon na namamayani sa bawat bayan.
Sa aming field trip nabanggit ni Ms. Rica Palis ang tungkol sa konsepto ng OTOP, One Town, One Product. Hindi na yung dating mga “relihiyoso at pangagrikulturang” festivals ang nangyayari sa ngayon. Parang nabaon na sa limo tang tungkol sa konsepto nito bilang isang “relihiyoso at pangagrikulturang” festival, nagsisibling tugon na ito sa hiling ng turismo.
Balikan natin ang OTOP, ditto ang isang bayan ay nakatakdang lumikha ng sarili nilang produkto na kumakatawan sa kani-kanilang mga bayan. Halimbawa na lang ay yung sa Luisiana, kung tutuusin wala pa nga sila dapat na festival, “nagkaroon lang sila para makasabay sa turismo,” ayon kay Dr. Duhaylungsod. Dito makikita natin na parang nagiging hinggil sa kalakalan ang mga festivals. Kumbaga, pinagkakakitaan na rin ito. Nagkakaroon na rin ito ng epekto sa ekonomiya n gating bansa. Idinagdag din ni Duhaylungsod na ang mga pistang ito ay nagiging daan sa pakkipagtunggali imbis na ibahagi ito bilang isang “relihiyoso at pangagrikulturang” pangyayari.
Bukod sa pagkakaapekto ng mga festivals sa ekonomiya dahil sa pagiging kumersyal nito, pinagmumulan din ang mga festivals ng sigalot sa pagitan ng mga pampulitikang pamilya o mga makapangyarihan o elite. Ayon kay Palis, ang sigalot sa pagitan ng mga pamilyang ito ay nakakaapekto sa pagpapatayo ng community museum tulad na lang ng sa Calamba. Ipinahayag niya na kung masusuri natin ang kultura ng bawat bayan oa ng pagkakataon para sa isang cultural renaissance, magkakaisa ang mga pamilyang ito.
Kung gayon, ano nga ba talaga ang silbi ng mga festivals? Dati ito ay ipinagdidiwang para sa “relihiyoso at pangagrikultura” nitong gamit pero ngayon idinaraos na ito para makasabay sa turismo. Wala namang masama na gawin itong daan sa pag-unlad ng turismo ngunit sana isinasaalang alang pa din natin ang tunay nitong diwa.
 |
| Tsinelas Festival |
 |
| Pandan Festival |
 |
| Pahiyas Festival |
*images from Google
Walang komento:
Mag-post ng isang Komento